Мемлекет басшысы Қасым-Жомарт Тоқаев Чехияның бұрынғы премьер-министрі Андрей Бабишпен шағын құрамда кездесіп, екіжақты ынтымақтастықты талқылады, деп хабарлайды Zhaiyqmedia.kz ақпарат агенттігі.
Президент Бабишті Қазақстанда жақсы танитынын айтып, оны Чехияда ғана емес, бүкіл Еуропаға танымал саяси қайраткер деп атады. Кездесуде сауда-экономикалық байланыстар мен инвестициялық жобаларға басымдық берілді.
«Біз сіздің тәжірибеңіз бен көзқарасыңызды жоғары бағалаймыз. Екі ел арасындағы әріптестікті одан әрі нығайтуға дайынбыз», — деді Тоқаев.
Андрей Бабиш өз кезегінде Қазақстанның Орталық Азиядағы маңызды серіктес екенін атап өтті. Тараптар энергетика, ауыл шаруашылығы және логистика салаларында бірлескен жобаларды іске қосу мүмкіндігін қарастырды.
