Қазақстанда зейнетақы жинағының бір бөлігін медициналық қызметтерге жұмсау мүмкіндігі уақытша тоқтатылды. 12 қаңтар сағат 19:00-ден бастап «Отбасы банк» тиісті өтінімдерді қабылдауды доғарды, деп хабарлайды Zhaiyqmedia ақпарат агенттігі.
Банк өкілдерінің хабарлауынша, бұл шешім Денсаулық сақтау министрлігімен бірлесіп қабылданған. Қазіргі уақытта екі мекеме зейнетақы төлемдерін пайдалану талаптарын қайта қарастырып жатыр.
Негізгі мақсат – зейнетақы ақшасын заңсыз жолмен қолма-қол ақшаға айналдыру және оны мақсатсыз жұмсау әрекеттерінің жолын кесу.
«Отбасы банк» барлық ереже жаңартылып, ақпараттық жүйелер толық интеграцияланғаннан кейін өтінім қабылдау қайта жанданатынын мәлімдеді. Нақты мерзімі қосымша хабарланады.
Фото: Әлеуметтік желіден
