Сурет: Мәжіліс
Бүгін Астанада Мәжілістің жалпы отырысы өтіп жатыр. Жиында бірнеше маңызды заң жобасы қаралады, деп хабарлайды Zhaiyqmedia.kz ақпарат агенттігі.
Күн тәртібінде Қазақстан мен Халықаралық Қайта Құру және Даму Банкі арасындағы қарыз келісімін ратификациялау мәселесі бар. Бұл құжат «Экономиканың инклюзивті және орнықты өсуі» даму саясатын қаржыландыруға арналған екінші қарызға қатысты.
Сонымен қатар депутаттар Еуразиялық экономикалық одақ пен Біріккен Араб Әмірліктері арасындағы экономикалық әріптестік келісімін ратификациялау туралы заң жобасын талқылайды.
Ұжымдық қауіпсіздік туралы шарт ұйымына қатысты екі хаттаманы ратификациялау да қаралады. Олар ұжымдық қауіпсіздік жүйесі күштері мен құралдары құралымдарының мәртебесіне және әскери құралымдар мен жылжымалы мүлікті тасымалдау саласындағы ынтымақтастыққа өзгерістер енгізуді көздейді.
