Сурет: Egemen Qazaqstan
Қырғызстан президенті Садыр Жапаров бұрынғы президент әкімшілігінің басшысы Фарид Ниязовты кешіріммен босату туралы жарлыққа қол қойды, деп хабарлайды Zhaiyqmedia.kz ақпарат агенттігі.
Ниязов бұған дейін сыбайлас жемқорлық ісі бойынша сотталып, 10 жылға бас бостандығынан айырылған еді. Алайда ол жазасының бес жылын өтеп үлгерген.
«Мемлекет басшысы гуманизм қағидатын басшылыққа алып, Ниязовтың өтінішін қанағаттандырды», – делінген президент әкімшілігінің хабарламасында.
Фарид Ниязов Қырғызстанның бұрынғы президенті Сооронбай Жээнбеков тұсында әкімшілік басшысы қызметін атқарған. Оның ісі кезінде қоғамда кең резонанс тудырған.
