Мемлекет басшысы Қасым-Жомарт Тоқаев Ата заңның қабылдануына орай ұйымдастырылған салтанатты жиынға қатысты. Ақордада өткен шараға еліміздің жоғары лауазымды тұлғалары жиналды, деп хабарлайды Zhaiyqmedia ақпарат агенттігі.
Жиынға Үкімет басшысы Олжас Бектенов, Парламент Сенатының төрағасы Мәулен Әшімбаев және Мәжіліс төрағасы Ерлан Қошанов бастаған биліктің негізгі тармақтарының өкілдері келді.
Сондай-ақ мемлекеттік кеңесші Ерлан Қарин, Президент Әкімшілігінің басшысы Айбек Дәдебай, Үкімет мүшелері мен орталық мемлекеттік органдардың жетекшілері де қатысушылар қатарынан табылды.
Салтанатты шараға облыстар мен республикалық маңызы бар үш қаланың (Астана, Алматы, Шымкент) әкімдері, Конституциялық комиссия мен Жалпыұлттық коалиция мүшелері арнайы шақырылды.
Фото: Әлеуметтік желіден
