Астанада биыл 50-ге жуық көше жөндеуден өтеді. Қала әкімдігі жол құрылысына кірісіп кетті. Жалпы ұзындығы 60 шақырым жол жаңартылады, деп хабарлайды Zhaiyqmedia.kz ақпарат агенттігі.
Қала әкімі Жеңіс Қасымбектің айтуынша, биылғы жоспар бойынша ең ірі жобалардың бірі – Қабанбай батыр даңғылын кеңейту. Сонымен қатар, тұрғын алаптардағы шағын көшелер де жөнделеді.
«Біз жол сапасына ерекше көңіл бөлеміз. Биылғы жөндеу жұмыстары кестеге сай жүріп жатыр. Жаңа технологиялар қолданылады», – деді әкім.
Қалалық жолдарды жаңартуға республикалық және жергілікті бюджеттен қаражат бөлінген. Жөндеу жұмыстары қыркүйек айына дейін аяқталуы тиіс.
