Астанада көз жұмған әйелдің донорлық ағзалары 5 адамның өмірін сақтап қалды. Бұл – елордадағы алғашқы көпмүшелі донорлық трансплантация болды.
, деп хабарлайды Zhaiyqmedia.kz ақпарат агенттігі.
Дәрігерлер ми өлімін анықтаған соң, марқұмның туыстарына қайтыс болғаннан кейінгі донорлық мүмкіндігін түсіндірген. Олар келісім беріп, ағзаларды алу операциясы жүргізілді.
«Біз үшін бұл өте қиын шешім болды, бірақ анамыздың бір бөлшегі басқа адамдарда өмір сүре беретінін білу – жұбаныш», – дейді марқұмның жақындары.
Донорлық ағзалардың ішінде жүрек, бауыр, бүйрек және көздің қасаң қабығы бар. Олардың барлығы өмірлік маңызды мүшелерге мұқтаж науқастарға салынды.
Қазіргі уақытта реципиенттердің жағдайы тұрақты, олар дәрігерлердің бақылауында. Бұл операция Қазақстандағы донорлықты дамытудың маңызды қадамы ретінде бағалануда.
