Сурет: АЗЕРТАДЖ
Өзбекстанмен мемлекеттік шекараны демаркациялау аясында бұрын сол елдің аумағында болған екі елді мекен тұрғындарымен бірге (шамамен 2500 адам) Қырғызстан құрамына өтті, деп хабарлайды Zhaiyqmedia.kz ақпарат агенттігі.
Президенттің баспасөз хатшысы Асхат Алагөзовтің мәліметінше, бұл Чонгара және Таш-Тобо ауылдары. Олар бұрын Өзбекстанның Ферғана облысына қараған және онда этникалық қырғыздар тұрады.
Қазір бұл ауылдарда тіркеу шаралары жүргізіліп, аяқталған соң тұрғындарға Қырғызстан азаматтығы беріледі. Осы елді мекендердің орнына қырғыз тарапы Өзбекстанға шекара маңындағы тең көлемді жер телімдерін берді. Сондай-ақ Сай мен Таян ауылдары арасындағы жол салу үшін жалпы 236 гектар тең бағалы жер учаскелерімен алмасу жасалды.
Алагөзовтың айтуынша, Қазақстан тарапына Тоқмақ қаласы маңындағы жолдың 800 метрлік бөлігіне қатысты тең бағалы жер телімдерін айырбастау ұсынысы жолданған.
Бұл жобаны жүзеге асыру Алматинская көшесі мен Кемин қаласы аралығында ұзындығы шамамен 150 шақырым болатын ақылы автомагистраль салуға мүмкіндік береді, — деп атап өтті президенттің баспасөз хатшысы.
