7 мамыр күні «Қазгидромет» мамандары еліміздің бірнеше өңірінде қолайсыз ауа райына байланысты дауылды ескерту жасады, деп хабарлайды Zhaiyqmedia.kz ақпарат агенттігі.
Синоптиктердің болжамынша, бүгін күн күрт өзгеріп, жаңбыр жауып, найзағай ойнап, кей жерлерде тіпті бұршақ түсуі мүмкін. Екпінді жел де күтіледі.
«Қолайсыз ауа райына байланысты халықты сақ болуға шақырамыз. Далаға шықпауға, көліктерді ашық жерге қоймауға кеңес береміз», — дейді мамандар.
Әсіресе, Батыс Қазақстан облысының тұрғындарына ерекше сақтық шараларын сақтау қажет. Орал өңірінде де жаңбыр мен найзағай күтіледі.
Толығырақ ақпаратты «Қазгидромет» сайтынан немесе 112 қызметінен білуге болады.
