Бүгін кешке Қазақстанның оңтүстік өңірлерінде жер дүмпуі сезілді, деп хабарлайды Zhaiyqmedia ақпарат агенттігі.
Төтенше жағдайлар министрлігінің сейсмикалық станциялар желісі жер сілкінісін Астана уақытымен 21:13-те тіркеді. Жер асты дүмпуінің ошағы Алматы қаласынан оңтүстік-батысқа қарай 853 шақырым жерде, Ауғанстан аумағында болған.
Жер сілкінісі Шымкент қаласында, сондай-ақ Түркістан және Жамбыл облыстарының бірқатар елді мекенінде сезілген. Тұрғындар сезінген дүмпу күші 2 баллды құрады.
Құтқарушылардың мәліметінше, зардап шеккендер мен қираулар туралы ақпарат түскен жоқ.
Фото: Әлеуметтік желіден
