2026 жылғы 1 шілдеден бастап Қазақстанда электросамокат ережелері қатаңдайды. Енді кәмелетке толмағандарға электросамокатпен жүруге тыйым салынады. Бұл туралы Ішкі істер министрлігі хабарлады, деп хабарлайды Zhaiyqmedia.kz ақпарат агенттігі.
Жаңа ережелерге сәйкес, электросамокаттарды тек 18 жасқа толған адамдар ғана пайдалана алады. Сонымен қатар, жүргізушілерге қатаң талаптар қойылады: каска кию міндетті, жылдамдықты шектеу және тротуарларда жүруге тыйым салынады.
Бұл шаралар жол-көлік оқиғаларын азайту үшін қабылданды. Әсіресе жасөспірімдер арасындағы жарақаттану деңгейі алаңдатады, – деді ІІМ өкілі.
Бұған дейін елімізде электросамокаттардың қатысуымен болған жол апаттарының саны күрт өскен еді. Тек 2024 жылдың өзінде 300-ден астам оқиға тіркелген, оның 70 пайызы кәмелетке толмағандардың қатысуымен болған.
Жаңа ережелер бұзушыларға айыппұл салуды да қарастырады. Заң талаптарын орындамағандар 10 АЕК (айлық есептік көрсеткіш) мөлшерінде айыппұл төлейді. Бұл шамамен 36 000 теңгені құрайды.
