«Қайраттың» бас бапкері Рафаэль Уразбахтин тарихи матч алдында пікір білдірді:
> «Команда үшін де, ойыншылар үшін де, бапкерлер үшін де бұл – тарихи ойын. „Реал“ секілді клубтың Алматыға келгеніне қуаныштымыз. Мадридтіктердің соңғы бес матчын және „ПСЖ“-ға қарсы өткен әлемдік ойындарын мұқият қарадық. „Атлетикоға“ қарсы кездесудегідей сәтсіздіктер де болып тұрады. „Реал“ сияқты азулы клубтың осал тұстары көп емес, бірақ біз бақылап, кейбір минустарын таптық. Оны пайдалана алу – біздің міндет», – деді ол.
Сонымен қатар Уразбахтин Хаби Алонсоның жанкүйері екенін, «Байердің» ойындарын жиі көретінін атап өтті.
Чемпиондар лигасының 2-туры:
«Қайрат» – «Реал Мадрид»
30 қыркүйек, 21:45, Алматы, Орталық стадион.
