Сурет: istockphoto.com
Мемлекет басшысы Қасым-Жомарт Тоқаев Италия Президенті Серджо Маттареллаға ұлттық мерекемен – Республика күнінің 80 жылдығымен құттықтау жеделхатын жолдады, деп хабарлайды Zhaiyqmedia.kz ақпарат агенттігі.
Президент Тоқаев өз құттықтауында Италия халқына бақ-береке тілеп, екі ел арасындағы стратегиялық әріптестіктің маңыздылығын атап өтті.
«Қазақстан мен Италия арасындағы дипломатиялық қарым-қатынастардың дамуына зор үлес қосып келесіз. Сіздің тұлғаңызда Италия халқына зор құрметімді білдіремін», – делінген жеделхатта.
Сондай-ақ Қасым-Жомарт Тоқаев екіжақты байланыстарды одан әрі нығайтуға ниетті екенін жеткізді.
