Ақмола облысындағы Щучинск қаласында болған жарылысқа қатысты тағы екі адам ұсталды. Қазіргі уақытта апат салдарынан қаза тапқандар саны 12-ге жетті.
Құқық қорғау органдары күдіктілердің жарылысқа қатысын анықтап жатыр. Ұсталғандар уақытша ұстау изоляторына қамалды.
Оқиға орнында сараптама жұмыстары жалғасуда. Қосымша мәліметтер кейінірек жарияланады, — деді Ақмола облыстық полиция департаментінің өкілі.
Еске сала кетейік, бұған дейін жарылысқа байланысты бірнеше адам ұсталып, тергеу амалдары жүргізілген болатын.
