Сурет: threads.com
Астанада Қошқарбаев даңғылы мен Жұмабаев көшесінің қиылысында 12 маусымда шамамен 6-7 жастағы велосипед мінген баланы көлік қағып кетті, деп хабарлайды Zhaiyqmedia.kz ақпарат агенттігі.
Куәгерлер бұл оқиға туралы Threads әлеуметтік желісінде жазды. Олар оқиға орнынан фотосуреттер жариялаған.
Астана қаласы полиция департаменті ақпаратты растады. Ведомствоның мәліметінше, Ford автокөлігінің жүргізушісі кәмелетке толмаған велосипедшіні қағып кеткен. Зардап шеккен баланы ауруханаға жеткізген.
Қазіргі уақытта полиция жол-көлік оқиғасының мән-жайын анықтап жатыр. Бұған дейін Астанада жүк көлігі велосипед мінген баланы қағып кеткен еді.
