Сурет: Egemen Qazaqstan
Француздық ПСЖ клубының грузиялық шабуылшысы Хвича Кварацхелия 2025/26 маусымындағы Чемпиондар лигасының ең үздік ойыншысы деп танылды, деп хабарлайды Zhaiyqmedia.kz ақпарат агенттігі.
УЕФА мамандары Кварацхелияның маусым бойы көрсеткен ойынын жоғары бағалап, оны турнирдің үздігі деп жариялады. Ол ПСЖ сапында Чемпиондар лигасында 8 гол соғып, 6 нәтижелі пас берді.
«Бұл марапат – мен үшін үлкен мәртебе. Командаластарымсыз бұл жетістікке жету мүмкін емес еді», – деді Кварацхелия.
Грузиялық жұлдыз бұған дейін «Наполи» сапында да жарқырап, көптеген жанкүйердің көзайымына айналған еді. Енді ол ПСЖ-дағы табысты жолын жалғастырып, Еуропаның үздік шабуылшыларының қатарына қосылды.
