Орал қаласының әкімі қала жолдарын күтіп-ұстаумен айналысатын «Жайық таза қала» ЖШС техникалық базасын аралап, қысқы маусымға дайындық барысын тексерді. «Салтанат сарайы» алдындағы алаңда мекеменің арнайы техникасы көрсетіліп, директор Ринат Нұрғалиев қысқы жұмыстарға дайындық туралы баяндады.

Қала бойынша қысқы кезеңде жұмыс істейтін 370 арнайы техника бар, соңғы бес жылда парк 110 жаңа техникамен толықтырылып, жаңартылған. Жұмыстарға 750-ге жуық қызметкер жұмылдырылмақ.

Қала әкімі алғашқы қар түскен сәттен бастап техника толықтай іске қосылып, жолдар мен жаяу жүргінші жолдарын қар мен мұздан уақытылы тазалау қамтамасыз етілуі керегін тапсырды.

Сурет: Орал қ әкімдігі