Қырғызстан президенті Садыр Жапаров Жалал-Абад қаласының атын өзгерту туралы заңға қол қойды. Бұдан былай халық саны бойынша елдегі үшінші ірі қала Манас деп аталатын болды.
10 қыркүйекте Жогорку Кенеш мақұлдаған бұл шешімнің негізгі мақсаты – ұлттық идеологияны нығайтып, халық қаһарманы Манастың есімін ұрпақ жадында сақтау.
Қаланы қайта атауға шамамен 15 млн сом (шамамен 90 млн теңге) жұмсалмақ. Қаржы жергілікті бюджеттен бөлінеді.
Айта кетейік, бұрынғы Жалал-Абадта бүгінде 186 мыңнан астам тұрғын тұрады.
