Сурет: istockphoto.com
Қазақстанда балалар арасындағы қорлау мен зорлық-зомбылыққа немқұрайлы қарайтындар енді жауапқа тартылады. Мемлекет басшысының тапсырмасымен әзірленген жаңа заң айыппұл салуды көздейді, деп хабарлайды Zhaiyqmedia.kz ақпарат агенттігі.
Бұған дейін буллинг фактілері көбіне назардан тыс қалып, құқық қорғау органдары істі қозғамайтын. Енді мектеп әкімшілігі, мұғалімдер мен ата-аналар балалардың қауіпсіздігіне жауапты болады.
«Егер мектеп әкімшілігі немесе мұғалім буллингті байқап, шара қолданбаса, оларға айыппұл салынады. Бұл – балалардың психологиялық және физикалық денсаулығын қорғаудағы маңызды қадам», – деді Білім министрлігінің өкілі.
Заң бойынша, буллингке жол бергендерге де, оны жасырғандарға да жаза қарастырылған. Айыппұл мөлшері әкімшілік кодекске сәйкес белгіленеді. БҚО-дағы мектептерде де осы ереже қатаң сақталады.
