Зайсан аудандық соты ауыл әкіміне қатысты әкімшілік іс бойынша сот шешім шығарды.
Іс материалдарына сәйкес, 6 қазан күні сағат 15:00 шамасында әкім өз кабинетінде ауыл тұрғындары мен қоғамдық бірлестік өкілдерінің көзінше бейәдеп сөз айтқан болатын.
Сотта ол кінәсін мойындап, көпшілік алдында кешірім сұраған. Әкімнің әрекеті куәгерлердің айғақтарымен, бейнежазбамен және оның өз түсініктемесімен расталды.
Сот қаулысымен шенеунік «ұсақ бұзақылық» бабымен кінәлі деп танылып, 55 048 теңге айыппұл төлеуге міндеттелді.
