Ресей әскері 9 қаңтарға қараған түні Киевке жүздеген дрон, «Калибр» қанатты зымыраны және баллистикалық зымырандармен жаппай соққы берді. Салдарынан қала тұрғындарының басым бөлігі жарықсыз, сусыз және жылусыз қалды, деп хабарлайды Zhaiyqmedia ақпарат агенттігі.
Соққыдан кейін Киев метрополитенінің жерүсті бағытында пойыздардың қозғалысы тоқтады.
«Бұл — Киевтің аса маңызды инфрақұрылымына жасалған ең ауыр соққы. Тұрғындарды мүмкіндігінше электр мен жылудың балама көздері бар қала сыртына уақытша көшуге шақырамын», — деді елорда мэрі Виталий Кличко.
Шабуылдан кейінгі төртінші күнде коммуналдық қызметтер электр, жылу және сумен жабдықтауды әлі толық қалпына келтіре алмады.
