Италияда XXV Қысқы Олимпиада ойындарының салтанатты ашылу рәсімі өтті. Шара бірнеше қалада қатар ұйымдастырылып, ел намысын қорғайтын спортшылар шеруге шықты, деп хабарлайды Zhaiyqmedia ақпарат агенттігі.
Миланда өткен ұлттар парадында Қазақстанның көк байрағын шорт-трек шебері Денис Никиша алып жүрді. Ал Ливиньо коммунасында бұл мәртебелі міндет фристайл-могулдан сынға түсетін Аяулым Әміреноваға жүктелді.
Айтулы спорт додасы 6-22 ақпан аралығында жалғасады. Биылғы Олимпиадада Қазақстан құрамасы сапынан 36 спортшы (18 ер адам және 18 әйел) спорттың 10 түрінен бақ сынайды.
Фото: ҰОК
