Оңтүстік Кореяның бұрынғы бірінші ханымы Ким Гон Хи апелляциялық соттың шешімімен 4 жылға бас бостандығынан айырылды. Сот оны акция бағасын жасанды көтеру және пара алу ісі бойынша кінәлі деп тапты, деп хабарлайды Zhaiyqmedia.kz ақпарат агенттігі.
Іс материалдарына сәйкес, Ким Гон Хи 2020 жылы Deutsche Motors компаниясының акцияларын жасанды көтеріп, үлкен пайда тапқан. Ол сондай-ақ бизнесмендерден сыйлық ретінде қымбат сөмкелер мен басқа да құнды заттарды алған.
Сот үкімінде айыпталушының жоғары лауазымды тұлға ретінде жасаған әрекеттері қоғамға қауіпті деп бағаланды. Алайда адвокаттар үкімге шағымданатынын мәлімдеді.
«Мен ешқандай заң бұзған жоқпын. Бұл – саяси қудалау», – деді Ким Гон Хи сот отырысында.
Бұл іс Оңтүстік Кореяда үлкен резонанс тудырды. Көптеген сарапшылар бұл шешімнің елдегі сыбайлас жемқорлыққа қарсы күресте маңызды қадам екенін айтады.
