Еуропалық Одақ миграциялық саясатты қатаңдататын жаңа ережелерді бекітті. 2026 жылдың маусымынан бастап босқындарды үшінші елдерге депортациялау тетігі іске қосылады, деп хабарлайды Zhaiyqmedia ақпарат агенттігі.
Жаңа ережеге сәйкес, Одаққа мүше елдер мигранттарды өздерімен екіжақты келісімі бар кез келген үшінші мемлекетке жібере алады. Бұл баспана беру процесін ЕО аумағынан тыс жерде жүргізуге мүмкіндік береді.
Сонымен қатар, «қауіпсіз шығу елдерінің» тізімі де енгізілді. Бұл тізімге Үндістан, Мысыр, Марокко және Еуроодаққа мүше болуға үміткер мемлекеттердің басым бөлігі кірген.
Енді осы «қауіпсіз» деп танылған елдерден келген азаматтардың босқын мәртебесін алуы әлдеқайда қиындайды. Олар өздерінің жеке басына қауіп төніп тұрғанын немесе қудалауға ұшырағанын дәлелдейтін нақты айғақтар ұсынуға міндетті болады.
Фото: Әлеуметтік желіден
