Орал қаласында жол инфрақұрылымын жаңарту жұмыстары жалғасуда. Бүгін шаһардағы бірқатар көшелердегі құрылыс барысы тексерілді.
Букетная, Черненко және Правдухин көшелерінде – ұзындығы 1,9 шақырым жол толық реконструкциялануда.
Есенберлин көшесінде – 1 шақырымдық жаңа жолдың құрылысы жүріп жатыр. Преображенская және Евразийская көшелерінде – 1,7 шақырым жол қайта жөнделуде.
Циолковский көшесінде – 0,7 шақырым жол орташа жөндеуден өтуде.
Желтоқсан және Производственная көшелерінде – 1,08 шақырым жолға орташа жөндеу жасалуда.
Исатай батыр, Пойменная көшелері мен «Шанырақ» жастар үйіне апаратын жолда – 2,1 шақырым жол реконструкциялануда. Исаев пен Л.Толстой көшелерінде – 1,2 шақырым жол жөнделіп жатыр.
Жұмағалиев пен Жексенбаев көшелерінде – 1,3 шақырым жолға жөндеу жұмыстары жүргізілуде.
Ғ.Қараш көшесінде – 1,2 шақырымдық жол қайта салынып жатыр.
Қала әкімі мердігер компанияларға жұмыстың қарқынын арттырып, барлық ресурстарды жұмылдыруды тапсырды. Уақыт созып отырған мердігерлерге қатаң ескерту жасалды.
Билік өкілдерінің айтуынша, оралдықтар үшін сапалы әрі қауіпсіз жолдарды уақытылы қолданысқа беру – негізгі басымдық болып қала береді.
