1 шілдеден бастап ипотекалық несиелердің шекті мөлшерлемесі бастапқы жарна көлеміне қарай белгіленеді. Бұл өзгерісті Ұлттық банк төрағасы Тимур Сүлейменов жария етті, деп хабарлайды Zhaiyqmedia.kz ақпарат агенттігі.
Сүлейменовтің айтуынша, енді несие алушылар бастапқы жарнаның мөлшеріне қарай әртүрлі пайыздық мөлшерлемемен ипотека рәсімдей алады. Бұл шара нарықты реттеу және халықтың қолжетімді баспана алу мүмкіндігін арттыру мақсатында қабылданды.
«Жаңа тәртіп бойынша бастапқы жарна неғұрлым жоғары болса, мөлшерлеме соғұрлым төмен болады. Бұл тәуекелдерді азайтып, несиелік жүктемені жеңілдетеді», – деді Ұлттық банк басшысы.
Нақты мөлшерлемелер мен бастапқы жарнаның шекті мәндері әлі бекітілмеген. Алайда банк мамандары бұл өзгеріс ипотека нарығындағы сұранысқа әсер ететінін айтады.
