Сурет:Ақорда
Мемлекет басшысы Қасым-Жомарт Тоқаев Санкт-Петербург қаласында өткен Жоғары Еуразиялық экономикалық кеңестің шағын құрамдағы кезекті отырысына қатысты.
Жиынға Ресей Федерациясының Президенті Владимир Путин, Беларусь Республикасының Президенті Александр Лукашенко, Қырғыз Республикасының Президенті Садыр Жапаров, Армения Республикасының Премьер-министрі Никол Пашинян, сондай-ақ Еуразиялық экономикалық комиссия алқасының төрағасы Бақытжан Сағынтаев қатысты.
Отырыс барысында Еуразиялық экономикалық одақтың алдағы кезеңдегі негізгі міндеттері мен басым бағыттары талқыланды. Сонымен қатар қатысушылар Одақтың қазіргі қызметіне қатысты бірқатар өзекті мәселелер бойынша пікір алмасты.
