Сурет: БҚО әкімдігі

Батыс Қазақстан облысында соңғы үш жылда 12 спорт нысаны мен 11 мәдениет үйі пайдалануға берілді. Орал қаласында 1200 орындық заманауи спорт кешені ашылып, Теректі ауданында денешынықтыру-сауықтыру кешені қолданысқа берілді. Аудан орталықтары спорт кешендерімен қамтылып, инфрақұрылымға қолжетімділік 76%-ға жетті.

Мәдениет саласында да өзгеріс бар: жаңа мәдениет үйлері мен кешендер ашылып, ауылдық жерлердегі кітапханалар жаңғыртылды, Оралда «креативті хаб» іске қосылды. Жобалар өңірдің әлеуметтік, спорттық және мәдени әлеуетін арттыруға бағытталған.