Бос жұмыс орындары жәрмеңкесі 18 шілде күні, Оралдағы Жұбан Молдағалиев ескерткіші алдында өтеді. Шара кешкі 18-00-де басталады.
Бос орындар жәрмеңкесін Орал қаласының ақпараттық-талдау және жастармен жұмыс жөніндегі ресурстық орталығы ұйымдастырады.
«JOB START: ЖАСТАР ТӘЖІРИБЕСІ ЖӘРМЕҢКЕСІ» аясында жастар бағдарламаның шарттары мен мүмкіндіктері туралы сұрай алады. Олар мамандардан тегін кәсіби кеңес ала алады. Жәрмеңкеге 20-дан астам жұмыс беруші мекеме қатысады деп жоспарлануда.
Бұған дейін, 2025 жылдың 30 мамырында өткен бос жұмыс орындары жәрмеңкесінде 60-тан астам жұмыс беруші 702 мамандық бойынша 1700-ге жуық жұмыс орнын ұсынған болатын.
