15 мамырда Астана аспанында жойғыш ұшақтар ұшады. Бұл – Қарулы Күштердің жоспарлы іс-шаралары, деп мәлімдеді Қорғаныс министрлігі, деп хабарлайды Zhaiyqmedia.kz ақпарат агенттігі.
Әуе қорғанысы күштерінің жаттығулары елорда тұрғындары арасында алаңдаушылық тудырмауы үшін алдын ала хабарланды. Әскери ұшақтардың ұшуы жоспарлы және қала тұрғындарына ешқандай қауіп төндірмейді.
«Астана аспанында әскери ұшақтардың пайда болуы – жоспарлы оқу-жаттығу шаралары аясында өтеді. Қала тұрғындарына қауіп жоқ», – деді министрлік өкілі.
Жаттығулар барысында жойғыш ұшақтар әуе кеңістігін қорғау дағдыларын пысықтайды. Іс-шаралардың нақты уақыты мен ұзақтығы жарияланбады.
