Италияда өткен XXV қысқы Олимпиада ойындарында Қазақстан құрамасы соңғы 30 жылдағы ең үздік нәтижесін көрсетіп, тарихи жетістікке қол жеткізді, деп хабарлайды Zhaiyqmedia ақпарат агенттігі.
Ұлттық құрама бір алтын медальмен жалпыкомандалық есепте 94 қатысушы елдің арасында 19-орынға тұрақтады.
Ел қоржынына жалғыз алтынды мәнерлеп сырғанаудан құрама көшбасшысы Михаил Шайдоров салды. Оның жеңісінің арқасында Қазақстан 1994 жылдан бері алғаш рет қысқы Олимпиада ойындарының қорытындысы бойынша әлемнің ең мықты 20 спорттық державасының қатарына енді.
ҚР Туризм және спорт министрлігінің хабарлауынша, қазақстандық команда қысқы спорт түрлерінен дәстүрлі түрде мықты саналатын Финляндия, Польша және Бельгия сияқты құрамаларды басып озған.
Фото: ҚР ҰОК
