Әлеуметтік желідегі жазбасы үшін сынға қалған 22 жастағы Алика Мұхамадиеваға қатысты сот отырысы аяқталуға жақын. Ол ел туралы дөрекі пікір білдіріп, қоғамның ашу-ызасын тудырған болатын.
Сотта айыпталушы өз әрекетіне өкініш білдіріп, кінәсін мойындады. Сондай-ақ, оның кәмелетке толмаған баласы бар екені ескерілді.
Мұхамадиеваның айтуынша, желідегі жазбасы эмоциямен жазылған және ол ешкімді қорлауды мақсат етпеген. Дегенмен, прокуратура өкілі оның сөзі қоғамдық тәртіпті бұзып, ұлттық намысқа тиетін мазмұнда болғанын атап өтті.
Бүгін кешке сот шешімі жарияланбақ.
