Фото: Ақорда
Президент Қасым-Жомарт Тоқаевтың тапсырмасымен елімізде есірткіге тәуелділіктің алдын алу және есірткі қылмысына қарсы іс-қимыл бағытында мемлекеттік органдардың жұмысын үйлестіретін республикалық штаб құрылды.
Штабтың құрамы мен басшылығы
Штабты Премьер-Министр басқарады, оның орынбасарлары — Премьер-Министрдің орынбасары және Ішкі істер министрі. Сондай-ақ құрамына Бас прокуратура, Ұлттық қауіпсіздік комитеті, Қаржы мониторингі агенттігі, Ұлттық банк, Қаржы нарығын реттеу және дамыту агенттігі, бірқатар профильді министрліктердің басшылары кірді.
Негізгі міндеттері
-
Мемлекеттік органдардың есірткіге қарсы күрестегі іс-қимылын үйлестіру;
-
Алдын алу шараларының тиімді тетіктерін әзірлеу;
-
Нашақорларды емдеу және оңалту жүйесін жетілдіру.
Аймақтық штабтар
Премьер-Министрдің тапсырмасымен Астана, Алматы, Шымкент қалаларында және облыстарда аймақтық штабтар құрылады.
Еске сала кетейік, 13 тамызда өткен Қауіпсіздік кеңесінің отырысында Тоқаев есірткінің таралуы елімізде де, әлемде де алаңдатарлық деңгейге жеткенін атап өтті. Мемлекет басшысы бұл зұлымдықпен күреске бүкіл қоғамның қатысуы қажет екенін айтып, үкіметке, өңір әкімдеріне және мемлекеттік органдарға нақты тапсырмалар берген болатын.
Сонымен қатар, Президент Есірткіге қарсы ведомствоаралық штабты Ішкі істер министрлігінен Үкімет деңгейіне көшіруді тапсырды.
