6 қаңтар күні таңғы сағат 8:00-ден бастап Ақмола облысында ауа райының күрт нашарлауына байланысты бірқатар республикалық тас жолдарда көлік қозғалысы шектелді, деп хабарлайды Zhaiyqmedia ақпарат агенттігі.
Атап айтқанда, «Жақсы — Есіл — Бузулук» жолының Жақсы мен Ақсай ауылдарының арасындағы 0–71 шақырымдық бөлігі жабылды. Сонымен қатар, «Астана — Атбасар — Жақсы — Рузаевка — Сарыкөл — Қостанай — Ресей шекарасы» бағыты бойынша Атбасар мен Жақсы аралығындағы 915–1002 шақырымда қозғалыс тоқтатылды.
Ал «ҚазАвтоЖол» мекемесінің мәліметінше, боран мен көру мүмкіндігінің 50 метрге дейін төмендеуіне байланысты тағы бір республикалық маңыздағы жолда қозғалыс тоқтады. Таңғы 08:15-тен бастап келесі бағытта көліктерге жүруге тыйым салынды:
«Жезқазған — Арқалық — Петропавл» автожолының 337–552 шақырымында (Қостанай облысы шекарасы – Сурған ауылы).
«Қарлы боран мен желдің күшеюі жолдарды жабуға мәжбүр етті. Жолаушылар мен жүргізушілерден қауіпсіздік шараларын сақтауды сұраймыз», – деді «ҚазАвтоЖол» өкілі.
