Сурет: Sports.kz
«Оқжетпес» командасының бас бапкері Ринат Алюетов «Тобыл»-мен өткен матчтан кейін ойыншылардың жағдайына тоқталды, деп хабарлайды Zhaiyqmedia.kz ақпарат агенттігі.
Матч 2:1 есебімен аяқталып, Алюетов ойынды қызықты әрі тартысты деп бағалады. Алайда ауа райының ыстық болғанын, 33 градус температурада бірнеше ойыншыға күн өткенін айтты. «Бәріміз де әбден терледік», — деді ол баспасөз мәслихатында.
«Оқжетпес» сапынан Жансұлтан Мұхаметханов 48 және 63-минуттарда дубль жасаса, «Тобыл» атынан жалғыз голды Марко Вукчевич 10-минутта соқты. 38-минутта «Тобыл» ойыншысы Пап-Альюн Ндиайе екінші сары қағаз алып, алаңнан қуылды.
