Дания мен Гренландияда мыңдаған адам АҚШ президенті Дональд Трамптың Гренландияға қатысты жоспарларына наразылық білдіріп, шеруге шықты, деп хабарлайды Zhaiyqmedia ақпарат агенттігі.
Ұйымдастырушылардың мәліметінше, бір ғана Копенгагеннің өзінде қала әкімдігі ғимаратының алдына 20 мыңға жуық демонстрант жиналып, Дания мен Гренландия туларын ұстап шықты.
Жиналғандар «Kalaallit Nunaat!» (Гренландияның жергілікті тілдегі атауы), сондай-ақ «Гренландия гренландиялықтардікі», «Гренландиядан аулақ!» және «Трамп, кет!», «Америка, кетіңдер!» деп ұрандатты.
Копенгагендегі наразылық шеруі АҚШ елшілігіне қарай бағытталса, тағы бір акция Орхус қаласында өтті. Ал Гренландияның өзінде наразылық шарасы Нуук қаласындағы АҚШ консулдығының алдында ұйымдастырылды.
Фото: Әлеуметтік желіден
