24 маусымда Қазақстанның басым бөлігінде найзағай, бұршақ және қатты жаңбыр күтіледі. Тек шығыс өңірлерде ғана ауа райы жауын-шашынсыз болады, деп хабарлайды Zhaiyqmedia.kz ақпарат агенттігі.
Синоптиктердің мәліметінше, еліміздің батыс, солтүстік және орталық аймақтарында күн күркіреп, бұршақ жаууы мүмкін. Желдің жылдамдығы секундына 15-20 метрге дейін жетеді.
Мамандар халықты сақ болуға шақырады. Найзағай кезінде ашық жерде, биік ағаштардың астында тұруға болмайды. Көліктерді де қауіпсіз жерге қою керек.
Алдағы күндері де тұрақсыз ауа райы сақталады. Синоптиктер апта соңына дейін жаңбыр мен найзағайдың жиі болуын болжап отыр.
