Қытайдың Ханчжоу қаласында көше тәртібін қадағалау міндеті роботтарға жүктелді. «Ақылды» патрульдер жаяу жүргіншілер мен велосипедшілердің қозғалысын бақылап, ереже бұзушылықтарды тіркейді, деп хабарлайды Zhaiyqmedia.kz ақпарат агенттігі.
Бұл роботтар жасанды интеллектпен жабдықталған. Олар жол қозғалысы ережелерін бұзғандарды анықтап, дереу орталық пультке хабарлайды. Жаңа технология полиция қызметкерлерінің жүктемесін азайтуға және қауіпсіздікті арттыруға бағытталған.
«Робот-полицейлер адамдармен салыстырғанда қателік жібермейді. Олар 24 сағат бойы үздіксіз жұмыс істей алады», – деді Ханчжоу қалалық полиция департаментінің өкілі.
Қытай билігі бұл тәжірибені сәтті деп бағалап, роботтарды басқа қалаларда да енгізуді жоспарлап отыр. Алайда сыншылар технологияның азаматтардың жеке өміріне араласу қаупін ескертеді.
