Ресей президенті Владимир Путиннің Қазақстанға сапары таяуда өтуі мүмкін. Бұл туралы Ақордада өткен кездесуде айтылды, деп хабарлайды Zhaiyqmedia.kz ақпарат агенттігі.
Мемлекет басшысы Қасым-Жомарт Тоқаев Ресейдің Сыртқы істер министрі Сергей Лавровты қабылдады. Кездесу барысында екіжақты ынтымақтастықтың кең ауқымы талқыланды.
«Біздің президентіміздің Қазақстанға сапарын дайындауға кірістік. Бұл – стратегиялық серіктестігіміздің жаңа белесі», – деді Сергей Лавров.
Тараптар сауда-экономикалық байланыстарды нығайту, мәдени-гуманитарлық алмасу және халықаралық ұйымдар аясындағы өзара іс-қимыл мәселелерін қарастырды. Путиннің сапары нақты қашан өтетіні әзірге белгісіз, бірақ дипломаттар жұмысты бастап кетті.
