Ресей ғалымы Геннадий Онищенко Ормұз бұғазының бұғатталуы дәрі-дәрмек бағасына тікелей әсер ететінін ескертті. Оның айтуынша, бұл жағдай фармацевтикалық шикізаттың жеткізілуін қиындатады.
«Ормұз бұғазы – дәрі-дәрмек өндірісінде қолданылатын шикізаттың негізгі транзиттік жолы. Егер ол жабылса, бағаның өсуі сөзсіз», – деді академик.
Мамандар бұл мәселе Қазақстанға да қатысты екенін айтады. Өйткені еліміз дәрі-дәрмектің 80 пайызын шетелден әкеледі.
Ормұз бұғазы арқылы әлемдік мұнайдың 20 пайызы тасымалданады. Геосаяси шиеленіс салдарынан бұл жолдың жабылу қаупі артып отыр.
