Шымкентте мектеп оқушылары мен колледж студенттеріне арналған әскери-далалық жиын аяқталды. Бес күнге созылған шараға 6 мыңнан астам жас қатысты, деп хабарлайды Zhaiyqmedia.kz ақпарат агенттігі.
Жиын барысында жастар әскери істің негіздерін үйреніп, далалық жағдайда тәжірибе жинақтады. Олар атыс қаруын қолдану, медициналық көмек көрсету және топография сияқты дағдыларды меңгерді.
«Бұл жиын – біз үшін үлкен сынақ болды. Көп нәрсені үйрендік, енді өзімізге сенімдірек сезінеміз», – дейді қатысушылардың бірі.
Шара соңында үздік нәтиже көрсеткен жастар марапатталды. Алдағы уақытта мұндай жиындарды тұрақты өткізу жоспарланып отыр.
