Categories Спорт

Елдос Сметов Қытайдағы Гран-при турнирінің ширек финалында жеңіліп қалды

Сурет: Egemen Qazaqstan

Дзюдошы Елдос Сметов Қытайдың Циндао қаласында өтіп жатқан Гран-при сериясындағы турнирдің жартылай финалына өте алмады. 60 келіге дейінгі салмақ дәрежесінде өнер көрсететін спортшы ширек финалға дейін жетіп, онда франциялық Энцо Джинмен белдесті. Бұл кездесуде жеңіс француз дзюдошысына бұйырды, деп хабарлайды Zhaiyqmedia.kz ақпарат агенттігі.

Елдос Сметовтің Гран-при турнирінің медалі үшін күресуге мүмкіндігі сақталып отыр. Егер ол жұбаныш белдесуінде жеңіске жетсе, қола медаль үшін күреседі.

Айта кетейік, Талғат Орынбасар (60 келіге дейін), Әбиба Әбужақынова (48 келіге дейін) және Бақыт Құсақбаева (57 келіге дейін) Циндаодағы жарысты аяқтады. Ал 2024 жылғы Олимпиаданың қола жүлдегері және 2021 жылғы әлем чемпионатының күміс жүлдегері Ғұсман Қырғызбаев турнирдің финалына шықты.

Ұқсас жазбалар

Бельгия Жаңа Зеландияны 5:1 есебімен жеңіп, топ жеңімпазы атанды

Бельгия құрамасы Жаңа Зеландияны 5:1 есебімен жеңіп, G тобында бірінші орынға ие болды. Бельгиялықтар турнирдің…

Александр Усик барлық чемпиондық белбеулерінен бас тартатынын мәлімдеді

Украиналық ауыр салмақтағы боксшы Александр Усик өзіне тиесілі барлық әлем чемпионы белбеулерінен бас тартатынын мәлімдеді.

Таеквондодан Қазақстан жастар құрамасы Kazakhstan Open турнирінде топ жарды

Таеквондодан Қазақстан жастар құрамасы Kazakhstan Open халықаралық турнирінде бірінші орын алды. Ел спортшылары 5 алтын,…