Сурет: Egemen Qazaqstan
28 мамырда Қазақстанның бірнеше өңірінде ауа райы күрт нашарлайды. Синоптиктер бұршақ, қатты жаңбыр және найзағай күтілетінін ескертті, деп хабарлайды Zhaiyqmedia.kz ақпарат агенттігі.
«Қазгидромет» мамандарының болжамынша, 28 мамырда еліміздің батыс, солтүстік және орталық аймақтарында найзағай ойнап, бұршақ жаууы мүмкін. Желдің жылдамдығы 15-20 м/с жетеді, кей жерлерде 25 м/с-қа дейін күшейеді», — делінген хабарламада.
Ауа райының қолайсыздығына байланысты жүргізушілер мен жаяу жүргіншілер сақ болуы керек. Мамандар дауыл кезінде ағаштар мен электр бағаналарынан алыс жүруді, үй ішінде болуды ұсынады.
