Сурет: istockphoto.com
Алматыдағы таулы кластердің көлік жүйесі түбегейлі өзгереді. Енді Көкжайлауға арнайы шаттлдар қатынайды, бұл туристер мен қала тұрғындарына ыңғайлы болмақ, деп хабарлайды Zhaiyqmedia.kz ақпарат агенттігі.
Жобалық кеңсенің «Көлік жүйесін дамыту» бағытының жетекшісі Артур Шахбазянның айтуынша, жаңа жүйе экологиялық таза әрі қолжетімді болады. Шаттлдар қаладан тауға дейін үздіксіз қатынайды, бұл кептеліс пен ластануды азайтады.
«Біз таулы кластердің инфрақұрылымын заманауи стандартқа сай етіп, көлік ағынын реттейміз. Шаттлдар – тек бастамасы», – деді Шахбазян.
Жоба аясында жаңа аялдамалар, веложолдар және жаяу жүргіншілерге арналған жолдар салынады. Мамандар бұл шешім Алматының таулы аймақтарына туристерді көбірек тартуға көмектеседі деп есептейді.
