Сурет: Aikyn.kz
2023 жылдың желтоқсанында «AMANAT» партиясы Әйелдер қанатының төрағасы Шолпан Каринова психологиялық қызметті дамытуға арналған жаңа бастаманы ұсынды. Бұл саладағы сапа стандарттарын көтеруге бағытталған жоба еліміздің барлық өңірінде қолдау тапты, деп хабарлайды Zhaiyqmedia.kz ақпарат агенттігі.
Жоба аясында психологтардың біліктілігін арттыру, қызмет көрсету сапасын бақылау және халыққа қолжетімділікті кеңейту көзделген. Әсіресе ауылдық жерлерде психологиялық көмекке сұраныс жоғары екені атап өтілді.
«Біздің мақсатымыз – әрбір азаматтың сапалы психологиялық көмек алуына жағдай жасау. Ол үшін бірыңғай стандарттар енгізіп, мамандарды даярлау жүйесін жетілдіру қажет», – деді Шолпан Каринова.
Батыс Қазақстан облысында да бұл бастама қолдау тапқан. Өңірдегі психологиялық орталықтардың жұмысы жаңа талаптарға сәйкес қайта қаралып жатыр. Мамандардың айтуынша, бұл өзгерістер халықтың психологиялық денсаулығына оң әсер етеді.
