Сурет: Egemen Qazaqstan
Бүгін, 20 маусымда Вьетнамның Дананг қаласында жастар арасындағы күрес түрлерінен Азия чемпионаты басталады. Қазақстан құрамасын осы жарысқа белгілі балуан Ризабек Айтмұхан бастап барды, деп хабарлайды Zhaiyqmedia.kz ақпарат агенттігі.
Чемпионатқа еліміздің түкпір-түкпірінен жиналған жас балуандар қатысады. Олардың арасында Батыс Қазақстан облысынан да бірнеше спортшы бар. Жарыс еркін, грек-рим және әйелдер күресінен өтеді.
«Біздің мақсат – Азия додасында жоғары нәтиже көрсету. Командамыз мықты, дайындық жоғары деңгейде өтті», – деді Ризабек Айтмұхан.
Қазақстан құрамасы бұл чемпионатқа 30-дан астам спортшыны жіберіп отыр. Жарыс 25 маусымға дейін жалғасады.
