Қазақстанда егіс науқанын қадағалау үшін жасанды интеллект элементтері бар цифрлық платформа енгізіліп жатыр. Бұл жүйе тұқым сапасын бақылап, егіс жұмыстарын нақты уақытта мониторингтейді, деп хабарлайды Zhaiyqmedia.kz ақпарат агенттігі.
Жаңа платформа диқандарға егіс науқанын тиімді жоспарлауға, әрбір алқаптың жағдайын білуге мүмкіндік береді. ЖИ көмегімен топырақ құнарлығы, ылғалдылық және ауа райы болжамдары ескеріледі.
«Бұл жүйе егіншілікті цифрландырудың маңызды қадамы. Ол шаруаларға шығынды азайтып, өнімділікті арттыруға көмектеседі», – дейді Ауыл шаруашылығы министрлігінің өкілі.
Платформаны алдымен ірі шаруашылықтар сынақтан өткізеді. Кейін оны барлық аймақтарға тарату жоспарланған. Батыс Қазақстан облысының диқандары да жаңашылдықты қолдануға ниетті.
