АҚШ президенті Дональд Трамп Иранға тағы да ескерту жасап, ядролық келісімге келуді талап етті. Ол келіссөзден бас тартқан жағдайда келесі шабуылдың ауқымы әлдеқайда үлкен болатынын мәлімдеді, деп хабарлайды Zhaiyqmedia ақпарат агенттігі.
Трамп бұл туралы өзінің Truth Social әлеуметтік желісіндегі парақшасында жазды. Оның айтуынша, қазіргі уақытта АҚШ-тың ірі әскери кемелер армадасы Иран жағалауына бет алған.
«Иран тез арада келіссөздер үстеліне отырып, ядролық қарусыз, барлық тарапқа тиімді, әділ әрі тең құқылы келісім жасайды деп үміттенемін. Уақыт тығыз, бұл өте маңызды мәселе… Келесі шабуыл бұдан да жаман болады!»
АҚШ президенті кемелер тобын USS Abraham Lincoln авиатасымалдаушысы бастап келе жатқанын және қажет болған жағдайда оның күш қолдануға дайын екенін атап өтті.
Фото: Әлеуметтік желіден
