⚖️ Сот процесінде күтпеген өзгеріс орын алды
Шерзат Болаттың өліміне қатысты қылмыстық іс бойынша жүріп жатқан сот процесінде 27 мамыр күні күндізгі отырыс кезінде судья ауысты. Бұған сотталушы Абзал Шынасылдың қорғаушысы Ж. Әбеновтың төрағалық етуші судья Ержан Жанұзақовқа қарсы шағым түсіруі себеп болған.
🧾 ҚПК-нің 87-бабына сәйкес өзгеріс жасалды
ҚР Қылмыстық-процестік кодексінің 87-бабы, 11-бөліміне сәйкес, судьяға қатысты шағымды сол соттың басқа судьясы немесе сот төрағасы қарауға тиіс.
Осыған байланысты Жанұзақовқа қатысты шағымды қарау міндеті судья А.А. Беймбетовке жүктелді. Іс сағат 17:25-те жаңа судьямен жалғасқан.
🧐 Қоғамның назарында – судья ауысуы іске қалай әсер етеді?
Қазір судьяның ауысуы сот процесінің барысына қандай әсер ететіні және қорғаушының шағымы қаншалықты негізді болғаны көпшіліктің талқылауында. Бұл — қоғам назарын аудартқан резонанстық іс болғандықтан, соттағы кез келген өзгеріс жіті бақылануда.
