Сурет: ашық дереккөз
Елордада азаматтарды оқуға түсіріп, грант алып беремін деп алдаған күдікті жауапқа тартылды, деп хабарлайды Zhaiyqmedia.kz ақпарат агенттігі.
Астана қаласы прокуратурасының мәліметінше, күдіктінің уәделеріне сенген жәбірленушілер оған қомақты ақша берген. Алайда ешқандай қызмет көрсетілмеген, ақшаны қаскөй иемденіп, өз қалауынша жұмсаған. Қылмыстық әрекеттердің салдарынан 111 азамат зардап шегіп, келтірілген жалпы залал шамамен 70 миллион теңгені құрады. Жәбірленушілердің басым бөлігіне келтірілген залал өтелмеген.
Сот сотталушыға 4 жыл мерзімге бас бостандығынан айыру жазасын тағайындады. Үкім 12 мамырда заңды күшіне енді. Прокуратура осындай фактілерге тап болған жағдайда дереу құқық қорғау органдарына хабарласу керектігін еске салады.
